Ўзбекистон Республикаси Миллий гвардиясининг бўлинмасига ташриф

Академияда ёшларни ватанпарварлик руҳида тарбиялаш, уларда Ватанга бўлган муҳаббат туйғусини шакллантириш, таълим жараёнида назария ва амалиёт уйғунлигини таъминлаш орқали талабалар касбий тайёргарлиги бўйича билим, кўникма ва малакаларини ривожлантириш ва мустаҳкамлаш, келгуси хизмат фаолиятига тайёрлаш мақсадида Ўзбекистон Республикаси Миллий гвардиясининг ҳарбий қисмига 1-курс талабаларини ташрифи ташкиллаштирилди.

Тадбир давомида талабаларга ҳарбий оркестр, ҳарбий хизматчилар томонидан кўл жанги ва ўқотар қуроллар, хизмат ҳайвонлари билан чиқишлари ҳамда Миллий гвардия бўлинмаларида мавжуд ҳарбий техника, қурол-яроғ ва махсус воситалар кўргазмаси намойиш этилди.

Шу билан бирга, талабалар ҳарбий хизматчиларнинг турли шароитларда, жумладан, жанговар ва экстремал вазиятларда ҳаракатлар олиб бориш бўйича ўқув машқлари билан яқиндан танишишга муяссар бўлдилар ҳамда улар томонидан ҳам айрим амалий машқлар катта қизиқиш билан бажарилди.