Жиззахда “Қийноққа солишга қарши курашиш: халқаро амалиёт ва миллий тажриба” ўқув курси

Ўзбекистон Республикаси Президентининг 2023 йил 7 февралдаги қарори билан тасдиқланган Ўзбекистон Республикасида Инсон ҳуқуқлари соҳасидаги Миллий таълим дастурига асосан “Қийноққа солишга қарши курашиш: халқаро амалиёт ва миллий тажриба” мавзусидаги ўқув курси Инсон ҳуқуқлари бўйича Ўзбекистон Республикаси Миллий маркази ташаббуси билан Ўзбекистон Республикаси Бош прокуратураси ҳамда Ички ишлар вазирлиги ҳамкорлигида ўтказиб келинмоқда.

Ўқув курсини ўтказишда Инсон ҳуқуқлари бўйича Ўзбекистон Республикаси Миллий маркази, Ҳуқуқни муҳофаза қилиш академияси, Ички ишлар вазирлиги академияси ва Малака ошириш институти, Олий суд вакиллари, судьялар, ҳудудий прокуратуралар ва ички ишлар органлари ходимлари иштирок этмоқда.

Мазкур ўқув курсининг навбатдаги ўқув машғулотлари Жиззах вилоятида бўлиб ўтди.

Унда Ҳуқуқни муҳофаза қилиш академияси бошлиғи ўринбосари, М.Мамасиддиқов “Қийноқ ҳамда муомала ва жазолашнинг қаттиқ, шафқатсиз, инсонийликка зид ёки қадр-қимматни камситувчи турларига қарши конвенциянинг мазмун-моҳияти” мавзусида маъруза билан иштирок қилди.

Ўқув машғулотлари давом этмоқда.