Ўзбекистон Республикаси Конституциявий судига ташриф

Конституциявий суд фаолияти билан яқиндан танишиш, унинг мамлакатдаги конституциявий қонунийликни таъминлашда тутган ўрни ҳақида чуқур билимларга эга бўлиш мақсадида Ҳуқуқни муҳофаза қилиш академияси бакалавриати талабаларининг Конституциявий судга ташрифи ташкил этилди.

Тадбир мобайнида талабалар Ўзбекистон Республикаси Конституциявий судининг давлат ва жамият ҳаётини модернизация қилиш ва мамлакатда конституциявий қонунийлик муҳитини янада мустаҳкамлашдаги роли, қонунчилик ҳужжатларининг Конституцияга мувофиқлигини аниқлаш, Конституция ва қонунлар нормаларига шарҳ бериш соҳасидаги ваколатлари билан яқиндан танишиш имкониятига эга бўлишди.

Бундан ташқари, Конституциявий суднинг кўп йиллик тажрибага эга судьялари К.Ф.Камилов ва А.Э.Рахманов талабалар учун маърузалар ташкил қилдилар ва Конституциявий суд фаолияти ва ваколатлари хусусида батафсил маълумотлар бери, касбий фаолиятлари мобайнида орттирган хулосалари ва тавсиялари билан ўртоқлашдилар.

Мазкур ташрифда талабалар Конституцияни тўғридан-тўғри қўллаш борасида зарур билимларга эга бўлдилар, бу эса келажакда уларнинг касб фаолиятларига оид вазифаларни самарали бажарилишига хизмат қилади.