Ўзбекистон Республикаси
Ҳуқуқни муҳофаза қилиш академияси
Қорақалпоғистон Республикаси, Тошкент шаҳар ва вилоятлар прокурорлари иштирокида жиноятчилик ва коррупцияга қарши курашиш, маҳалла жиноятчилигини барвақт олдини олиш, энергетик хавфсизлигини таъминлаш ҳамда ижтимоий соҳаларда ноқонуний ҳолатларни жиловлаш фаолиятини ташкил этишга оид билим ва кўникмаларни ошириш бўйича ўқув-амалий семинар доирасида вилоят прокурорлари учун Академияда семинар машғулоти ўтказилди.
Тадбирда жиноятчилик ва коррупцияга қарши курашиш жиноятчиликни таҳлил қилиш, уларни олдини олиш бўйича илмий асосланган таклифлар ишлаб чиқиб, амалиётга жорий этиш масалалари атрофлича муҳокама қилинди.
Шунингдек, тадбирда коррупцияни янги, рақамли кўринишлари, жумладан кибер коррупцияга қарши самарали курашиш бўйича мустаҳкам ҳуқуқий база яратиш борасида ўзаро фикр алмашилди.
Бундан ташқари, прокурорлар ҳуқуқни муҳофаза қилиш органлари учун кадрлар тайёрлаш, қайта тайёрлаш ва уларнинг малакасини ошириш юзасидан Академияда жорий этилган таълим дастурлари, шунингдек, киберлаборатория, криминалистик полигон, криминалистик лаборатория, суд имитацияси зали ҳамда бошқа амалий ва симуляцион ўқув машғулотларини ўтказиш имконини берадиган замонавий таълим инфратузилмаси билан таништирилди.
Тадбир якунида иштирокчилар Академияда ташкил этилган Рақамли криминалистика илмий-тадқиқот институти фаолиятига оид тақдимот билан танишдилар.
