Профессор-ўқитувчиларнинг педагогик маҳоратини ошириш бўйича навбатдаги семинар-тренинг

Ҳуқуқни муҳофаза қилиш академиясида профессор-ўқитувчиларнинг педагогик маҳоратини ошириш, таълим жараёнига инновацион технологиялар ва методикаларни жорий этиш мақсадида изчил ва тизимли ишлар олиб борилмоқда.

Мазкур фаолият доирасида 2025 йил 14 март куни Академиянинг Ўқув-услубий бошқармаси катта прокурори п.ф.н., доцент Б.С.Нуридинов томонидан “Ўқув жараёнини компетенциявий ёндашув асосида ташкил этиш масалалари” мавзусида навбатдаги семинар-тренинг ташкил этилди.

Семинар-тренингда олий таълим муассасалари бакалавриат таълим йўналишларида таълим мазмунини белгиловчи ўқув-норматив ҳужжатларнинг турлари, уларнинг мазмун-моҳияти, кредит-модуль тизимида ўқитишда фан дастурларини (силлабусларни) компетенциявий ёндашув асосида ишлаб чиқишнинг ўзига хос хусусиятлари, компетенция тушунчаси ҳамда ўқув дастурида белгиланган компетенцияларни ўқув машғулотларида шакллантириш масалалари батафсил муҳокама қилинди.

Тадбирда ҳар бир кафедра томонидан ўзларига тегишли муайян модуль бўйича компетенцияларни ўқув машғулотида шакллантиришни режалаштириш юзасидан амалий машқ бажарилди.

Семинар-тренинг сўнгида мавзу юзасидан иштирокчиларни қизиқтирган саволларга батафсил жавоб берилди.