Санкт-Петербург давлат университети профессори Академияда маъруза қилди

Ҳуқуқни муҳофаза қилиш академиясига Санкт-Петербург давлат университети профессори, юридик фанлар доктора В.Архиповнинг ташрифи бўлиб ўтди.

Ташриф доирасида томонлар таълим муассасалари ўртасидаги ҳамкорлик истиқболларини муҳокама қилдилар. Меҳмон Академиянинг фаолияти, ўқув ва илмий базаси билан яқиндан танишди.

Профессор В.Архиповнинг Академия талабалари ва тингловчилари учун «Ахборот технологиялари ҳуқуқи бўйича долзарб муаммолар» мавзусида маъруза қилгани ташрифнинг муҳим қисми бўлди.

Маъруза шиддат билан ўзгараётган рақамли дунё шароитида ахборот технологияларини ҳуқуқий тартибга солиш ва маълумотларни ҳимоя қилиш соҳасидаги муҳим жиҳатларни ёритиб, иштирокчилар орасида катта қизиқиш уйғотди.