Профессор-ўқитувчиларнинг илмий ва педагогик маҳоратини ошириш бўйича семинар-тренинг

Ҳуқуқни муҳофаза қилиш академиясида профессор-ўқитувчиларнинг илмий ва педагогик маҳоратини ошириш, таълим жараёнига инновацион технологиялар ва методикаларни жорий этиш мақсадида тизимли ишлар изчил олиб борилмоқда.

Мазкур фаолият доирасида Швециянинг Лунд университети тадқиқотчиси, юридик фанлар бўйича фалсафа доктори, (PhD) Д.Хамзаев иштирокида “Сунъий интеллект ва илмий тадқиқот: жорий муаммолар ва истиқбол” мавзусида навбатдаги семинар-тренинг ташкил этилди.

Семинар-тренинг давомида, илмий ишлар олиб бориш доирасида сунъий интеллектдан фойдаланиш ва уларнинг аҳамияти ҳақидаги масалалар батафсил муҳокама қилинди. Тадбирда ҳар бир иштирокчи томонидан ўзларига тегишли муайян илмий иш ёки мақола бўйича сунъий интеллектдан фойдаланган ҳолда амалий машқлар бажарилди.

Семинар-тренинг сўнгида мавзу юзасидан иштирокчиларни қизиқтирган саволларга батафсил жавоблар бериб ўтилди.