Ўзбекистон Республикаси
Ҳуқуқни муҳофаза қилиш академияси
Ўзбекистон Республикаси Ҳуқуқни муҳофаза қилиш академиясида Туркия Республикаси Тошкентдаги элчихонасининг ички ишлар бўйича маслаҳатчилари генерал-лейтенант Семих Окяр ҳамда Селим Арижи билан учрашув бўлиб ўтди.
Учрашувда меҳмонларга Академия фаолияти йўналишлари, таълим жараёнлари ва инфратузилмаси, олиб борилаётган илмий тадқиқотлар тўғрисида умумий маълумот берилиб, Туркиянинг ҳуқуқни муҳофаза қилувчи органлари тегишли таълим муассасалари билан ҳамкорликни янада ривожлантириш, жумладан академик мобиллик, профессор-ўқитувчилар ва талабалар алмашинуви, илмий тадбирлар, қўшма таълим дастурлари ҳамда танишув ташрифларини ташкил қилиш, ўқув жараёнларига малакали экспертларни жалб қилиш ва шу каби бошқа масалалар муҳокама қилинди.
Ўзаро ҳамкорликни янада мустаҳкамлаш мақсадида томонлар Академия билан Туркия миллий полиция академияси ҳамда Жандармерия ва соҳил хавфсизлиги академияси ўртасида ўзаро ҳамкорлик меморандумларни имзолаш масаласини кўриб чиқишларини билдиришди.
Конструктив руҳда ўтказилган тадбирда томонлар келгусида ўзаро манфаатли йўналишлар бўйича ҳамкорликни янада кучайтиришга келишиб олишди.
