АНОНС: Академияда “Маҳмудхўжа Беҳбудий сабоқлари” мавзусида иншолар танлови ўтказилади

Олий таълим, фан ва инновациялар вазирлиги томонидан мамлакатимиздаги олий ва касбий таълим муассасалари талабалари ўртасида “Маҳмудхўжа Беҳбудий сабоқлари” мавзусида иншолар танловини эълон қилинган.

Танловнинг асосий мақсади – Маҳмудхўжа Беҳбудийнинг фаолиятини чуқур ўрганиш, унинг маънавий мероси ва миллий таълим тизимида тутган ўрнини англашдан иборат. Танлов ёшларда юксак маънавий ва ватанпарварлик туйғуларини шакллантириш, иқтидорли талабаларни рағбатлантиришга қаратилган.

Ҳуқуқни муҳофаза қилиш академиясида 28 март куни танловнинг биринчи босқичи бўлиб ўтади (Б блок, 103-хона). Танловда Академиянинг барча талаба ва тингловчилари қатнашиш ҳуқуқига эга. Иштирокчи ўз ижодий ишида Маҳмудхўжа Беҳбудийнинг илмий-маърифий меросини, унинг мустақиллик ва тараққиёт йўлидаги хизматларини ёритиб бериши керак. Иншолар ҳакамлар ҳайъати томонидан баҳоланади ва ғолиб бўлган 1 нафар иштирокчига кейинги босқич (ҳудудий саралаш босқичи) учун ёлланма берилади.

Танловнинг якуний республика босқичида энг юқори балл тўплаб ғолиб бўлган иштирокчилар Олий таълим, фан ва инновациялар вазирлиги томонидан вазирликнинг дипломи ҳамда Олий таълим муассасаларини ривожлантириш жамғармаси маблағлари ҳисобидан қўйидаги тартибда:

1-ўрин – 8 000 000 сўм;

2-ўрин – 6 000 000 сўм;

3-ўрин – 4 000 000 сўм миқдорда пул мукофотлари билан тақдирланади.

Танловда қатнашиш учун Ёшлар билан ишлаш, маънавият ва маърифат бўлимига мурожаат қилиб, рўйхатдан ўтиш керак.