Маҳаллаларда криминоген вазиятни ўрганиш ишлари давом этмоқда

Академия томонидан Ўзбекистон Республикаси Президентининг 2025 йил 3 январдаги “2025 йилда Республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида”ги ПҚ–1-сон Қарорида белгиланган вазифаларни амалга ошириш бўйича изчил ишлар олиб борилмоқда.

Академия мутахассислари томонидан жиноятчилик даражаси юқори бўлган маҳаллалардаги жиноятчилик ҳолатига таъсир этувчи асосий омилларни аниқлаш ва ҳар томонлама таҳлил қилиш мақсадида Тошкент шаҳар Миробод туманида комплекс ўрганиш ишлари амалга оширилди.

Ушбу тадқиқот доирасида туманнинг “қизил” ва “сариқ” тоифага киритилган 38 та маҳалласи ўрганилди.

Ҳар бир маҳалладаги жиноятчилик вазиятига таъсир этувчи омилларни ҳар томонлама таҳлил қилиш натижасида ҳуқуқбузарликларнинг ўзига хос хусусиятлари баҳоланди ва манзилли профилактика тизимини жорий этиш бўйича илмий асосланган таклифлар ишлаб чиқилди.

Ушбу таклифлар ҳуқуқбузарликларнинг олдини олишга қаратилган ҳудудий “йўл хариталари”га киритилиши назарда тутилган.