Диссертация ҳимояси бўлиб ўтди

Ўзбекистон Республикаси Ҳуқуқни муҳофаза қилиш академияси ҳузуридаги Илмий кенгашнинг навбатдаги йиғилишида Академия мустақил изланувчиси Ш.Ш.Узаковнинг “12.00.09 – Жиноят процесси. Криминалистика, тезкор-қидирув ҳуқуқ ва суд экспертизаси” ихтисослиги бўйича “Дастлабки терговда жабрланувчининг ҳуқуқлари ва қонуний манфаатларини прокурор томонидан ҳимоя қилиш масалалари” мавзусида юридик фанлар бўйича фалсафа доктори (PhD) илмий даражасини олиш учун тайёрлаган диссертациясининг ҳимояси бўлиб ўтди.

Тадқиқот доирасида дастлабки терговда жабрланувчининг ҳуқуқлари ва қонуний манфаатларини прокурор томонидан ҳимоя қилиш билан боғлиқ муносабатларни тартибга солувчи миллий қонунчилик ҳамда амалиётни ривожлантиришга қаратилган назарий қоидалар ва амалий тавсиялар ишлаб чиқилган.

Диссертация ҳимояси натижасига кўра, Кенгаш аъзолари томонидан тадқиқотчи юридик фанлар бўйича фалсафа доктори (PhD) илмий даражасини олиш учун лойиқ деб топилди.

Академия жамоаси Шуҳрат Шарапович Узаковни диссертацияни муваффақиятли ҳимоя қилганлиги билан табриклайди ва келгусидаги илмий ва касбий фаолиятида улкан зафарлар тилайди!