ЮНЕСКОнинг Ўзбекистондаги ваколатхонаси раҳбари билан учрашув

Ўзбекистон Республикаси Ҳуқуқни муҳофаза қилиш академиясида ЮНЕСКОнинг Ўзбекистондаги ваколатхонаси раҳбари С.Ношади бошчилигидаги делегация билан учрашув бўлиб ўтди.

Учрашувда прокуратура ходимлари учун сўз эркинлиги, ахборотдан фойдаланиш, журналистлар хавфсизлигини таъминлашга оид халқаро стандартларга оид мавзуларни Академиянинг таълим дастурларига интеграция қилиш, мавзу бўйича ўтказилган минтақавий ўқув курсларини бошқа ҳудудларда ҳам ташкил этиш, прокурорлар учун медиа билан мулоқот қилишга оид тавсияномалар ишлаб чиқиш масалалари муҳокама қилинди.

Ўзаро мулоқотда томонлар ҳамкорликда амалга оширилаётган юқоридаги қўшма лойиҳа доирасидаги навбатдаги режалар ва қадамларни белгилаб олдилар.