Абдулла Қодирий таваллуд кунига бағишланган китобхонлик танлови ўтказилди

Ўзбекистон Республикаси Ҳуқуқни муҳофаза қилиш академиясида миллий қадриятларимизни, маънавий меросимизни ва урф-одатларимизни кенг тарғиб этиш мақсадида ташкиллаштирилган “Талабалик баҳори” анъанавий фестивали тадбирлари давом этмоқда.

Фестиваль доирасида буюк ёзувчи, ўзбек адабиётининг йирик намояндаларидан бири Абдулла Қодирий таваллуд кунига бағишланган китобхонлик танлови ташкил этилди.

Тадбирда Қодирий ижоди ва ҳаётини чуқур ўрганган таниқли адабиётшунос, филология фанлари доктори, профессор Санобар Тўлаганова ҳамда ёзувчининг чевараси Маҳзуна Қодирий ҳам иштирок этишди.

Мазкур танлов Академия талабаларида китобга бўлган қизиқишни янада ошириш, адабий билим ва дунёқарашни кенгайтириш, шунингдек, миллий адабиётимизнинг илдизларига нисбатан ҳурмат ва муҳаббат уйғотишга қаратилди.

Тадбир якунида ғолиблар эсдалик совғалари ва дипломлар билан тақдирланди.