Ўзбекистон Нотариал палатаси масъул ходимлари иштирокида семинар-тренинг ташкил этилди

Ҳуқуқни муҳофаза қилиш академиясида Нотариал палатаси масъул ходимлари ва тажрибали мутахассислари – Яккасарой ва Мирзо Улуғбек туманларида хусусий амалиёт билан шуғулланувчи нотариуслар Д.Ғофурова ҳамда Н.Мейлиевалар иштирокида семинар-тренинг ташкил этилди.

Тадбирда Академия бакалавриатининг “Тергов фаолияти” таълим йўналишида таҳсил олаётган талабалар иштирок этишиб, улар Нотариал палата фаолияти билан яқиндан танишдилар.

Семинарда фуқаролик ҳуқуқининг долзарб муаммолари, хусусан, ворислик ва мерос, қонун ва васият бўйича ворислик, меросни эгаллаш масалалари мавзусида ҳуқуқни қўллаш амалиётида учраётган муаммолар ва уларнинг ечими борасида муҳокамалар ўтказилди.

Семинар-тренинг давомида талабаларни қизиқтирган саволларга жавоблар берилди.