Коррупцияга қарши курашиш мавзида халқаро тадбирлар

Коррупцияга қарши курашиш бўйича республика идоралараро комиссияси томонидан ЕХҲТнинг Лойиҳалар координатори, БМТнинг ГЖК бошқармаси ҳамда “Региональный диалог” ХНТнинг кўмагида 2018 йилнинг 14-24 ноябрь кунлари Академияда давлат идоралари ходимлари, тадбиркорлик субъектлари, соғлиқни сақлаш тизими, сиёсий партиялар ҳамда нодавлат нотижорат ташкилотлари вакиллари учун давлат ва бизнес секторларида коррупцияга қарши курашиш мавзусида бир қатор халқаро семинар, давра суҳбати ва тренинглар ўтказилди.

“Давлат органларида коррупцияга қарши курашиш борасида идоравий чоралар самарадорлигини ошириш” халқаро семинарда,  “Давлат хизматчилари томонидан одоб-аҳлоқ қоидаларига риоя этиш” давра суҳбатида,   “Давлат секторида коррупцион хавфларни аниқлаш” тренингда, “Ҳуқуқни мухофаза этувчи органлар томонидан одоб-аҳлоқ қоидаларига риоя этиш” тренингда далат секторида коррупцияга қарши кураш масалалари муҳокама қилинди.

24-ноябрь куни “Фуқаролик жамияти институтларида одоб-аҳлоқ қоидаларига риоя этиш”деб номланган тренингда ННТ ва ОАВ вакиллари (60 иштирокчи) коррупцияга қарши кураш тўғрисида батавсил маълумот олишди.

Тадбирларнинг мақсади – Хорижий давлатларда, давлат бошқарувида ва хусусий секторларида коррупцияга қарши қонунчилик ривожланиши, коррупцияга қарши курашиш бўйича халқаро стандартлар ва ижобий илғор тажрибаларни жорий қилиш, коррупцияга қарши чора-тадбирлар самарадорлигини тубдан оширишга қаратилган.

Тадбирда 900 нафардан ортиқ иштирокчилар - Идоралараро комиссия аъзолари, давлат органларининг раҳбарлари, идоравий мувофиқлаштирувчилари, ИИВ, ХТМ, ОТВ, соғлиқни сақлаш, меҳнат, иқтисодиёт, молия, адлия вазирликлари, ДБҚ, ДСҚ, сиёсий партиялар НТТ,  Ўзбекистон Республикаси Савдо саноат палатаси, Бош прокуратура ходимлари ва оммавий ахборот воситалари вакиллари иштирок этишди.

Латвиянинг Коррупцияга қарши бюросининг истеъфодаги раҳбари ЕХҲТ ва Европа Кенгашининг коррупцияни олдини олиш бўйича халқаро эксперти Ярослав Стрельченок, “Региональный диалог” ХНТ эксперти Горан Клеменчич ҳамда БМТнинг УНП эксперти Константин Поликарски давлат органлари ходимлари томонидан активлар ва манфаатлар тўқнашувини электрон декларациялашни жорий қилиш амалиётининг самарадорлиги, молиявий айланмаларнинг шаффофлигини таъминлаш ҳақидаги маълумотларни тақдим этди ҳамда мазкур соҳадаги хорижий давлатлар тажрибасини онлайн тартибда намойиш қилди.