Жиноят-ижроия қонунчилигини қўллашда назария ва амалиёт уйғунлиги

Ўзбекистон Республикаси Ҳуқуқни муҳофаза қилиш академиясида “Жиноят-ижроия қонунчилигини қўллашда назария ва амалиёт уйғунлиги” мавзусида Ўзбекистон Республикаси Бош прокуратураси, Олий суди, Ички ишлар вазирлиги, Судьялар олий мактаби, Ички ишлар вазирлиги академияси, Жамоат хавфсизлиги университети, Тошкент давлат юридик университети вакиллари иштирокида давра суҳбати ўтказилди.

Давра суҳбатида судлар томонидан маҳкумларга нисбатан тайинланган жазо чораларининг ижро этилишини ҳамда жазо чораларини ўтаётган шахсларнинг ҳуқуқлари ва қонуний манфаатлари ҳимоясини таъминлаш орқали қонун устуворлигини таъминлаш масалалари муҳокама этилди.

Мавзу доирасида сўзга чиққан маърузачилар амалиётда мавжуд бир қатор муаммолар хусусида фикр ва мулоҳазалар билдирдилар.

Тадбир давомида соҳа йўналиши бўйича кадрларни тайёрлаш назария ва амалиётнинг уйғунлигини таъминлаш орқали амалга оширилишининг аҳамияти алоҳида қайд этилди.

Давра суҳбатида Ҳуқуқни муҳофаза қилиш академиясининг катта ўқитувчиси, адлия катта маслаҳатчиси М.М.Мирсалихов томонидан олий ўқув муассасаларининг талабалари учун тайёрланган “Жиноят-ижроия ҳуқуқи” дарслигининг тақдимоти бўлиб ўтди.

Тадбир иштирокчилари мазкур дарсликнинг аҳамиятини қайд этиб, ҳурматли Устоз Мирзафар Мирсалиховни қутлуғ 70 ёшлари билан муборакбод этдилар.