Ёшларнинг коррупцияга қарши курашиш борасидаги билимларни ошириш юзасидан навбатдаги сайёр тадбир

Аҳоли ва давлат хизматчиларининг ҳуқуқий онги ва ҳуқуқий маданиятини юксалтириш, жамиятда коррупцияга нисбатан ҳуқуқий иммунитетни шакллантириш, ёш авлод онгига ҳалоллик қадриятларини сингдириш Коррупцияга қарши курашиш виртуал академиясининг асосий йўналишларидан бири ҳисобланади.

Шу мақсадда, Академиянинг Коррупцияга қарши курашиш илмий-таълим маркази бошлиғи Х.Турсунбеков Қашқадарё мактабгача таълим ва мактаб таълим бошқармаси ва таълим муассасалари масъул вакиллари ва ўқитувчилари иштирокида таълим ташкилотлари тарбияланувчилари ва ўқувчилари учун Виртуал академияда жойлаштирилган ўқув материалларидан самарали фойдаланиш бўйича семинар-тренинг ўтказилди.

Унда иштирокчиларга Виртуал академия платформаси, мактабгача таълим муассасалари тарбияланувчилари ва ўрта мактаб муассасалари ўқувчилари учун мўлжалланган “Коррупцияга қарши курашиш” махсус ўқув курси, “Илк қадам” дастури, “Тарбия” ва “Давлат ва ҳуқуқ асослари” фанлари доирасида тайёрланган ўқув материалларидан фойдаланиш тартиби батафсил ёритиб берилди.

Тадбир давомида иштирокчилар томонидан ёш авлод онгига ҳалоллик қадриятларини сингдириш борасида Виртуал академия имкониятларидан янада кенг фойдаланишга қаратилган фикр-мулоҳазалар билдирилди.