Ижтимоий ва иқтисодий қонунчилик ижроси устидан прокурор назоратини таъминлашнинг долзарб масалаларига бағишланган малака ошириш курслари якунланди

Ҳуқуқни муҳофаза қилиш академиясида вилоятлар ва уларга тенглаштирилган прокуратураларнинг тегишли тармоқлари ходимлари ҳамда туман (шаҳар) прокурорларининг соҳавий ёрдамчилари учун “Ижтимоий ва иқтисодий қонунчилик ижроси устидан прокурор назоратини таъминлашнинг долзарб масалалари” мавзусида малака ошириш курслари якунланди.

Курс аралаш таълим форматида ташкил этилиб, унда тингловчилар ишдан ажралмаган ҳолда масофавий таълим олдилар ҳамда олинган билимларни мустаҳкамлаш мақсадида Академияда кундузги таълим тарзида ўтказилган ўқув машғулотларида иштирок этдилар.

Курс дастури доирасида Академия профессор-ўқитувчилари томонидан жойлардаги ижтимоий ва иқтисодий соҳадаги қонунчилик ижроси устидан таъсирчан прокурор назоратини таъминлаш борасида белгиланган чора-тадбирларни сифатли амалга ошириш, ўтказилаётган назорат тадбирларида эътибор қаратилиши лозим бўлган масалалар ҳамда аниқланаётган тизимли муаммоларни қонуний ҳал этиш, назорат тадбирлари якуни билан қарорлар қабул қилишда манфаатлар тўқнашувини олдини олиш ва бошқа долзарб масалаларга оид касбий компетенциялар, бошқарув кўникмаларини шакллантириш ҳамда ривожлантириш, шунингдек қонунчиликдаги янгиликлар бўйича ўқув машғулотлари ўтказилди.

Малака ошириш курси якунида тингловчилар томонидан қонунчилик бўйича ишлаб чиқилган таклифларнинг муҳокамаси тарзида якуний имтиҳон ўтказилди.