Талабаларнинг Шон-шараф музейига ташрифи

Академияда талаба ва тингловчилар иштирокида 9 май  – Хотира ва қадрлаш куни муносабати билан маънавий-маърифий тадбирлар туркуми ташкил этилиб келинмоқда.

Талабаларни ҳарбий-ватанпарварлик руҳида тарбиялаш, Ватанга бўлган муҳаббат туйғусини шакллантириш, уларда ўз халқини улуғлаш, меҳр-оқибат кўрсатиш, қадрлаш каби инсонийлик фазилатларини янада ривожлантириш мақсадида бакалавриат 1-курс талабаларининг Ғалаба боғидаги Шон-шараф музейига ташрифи ташкил этилди.

Музейда талабалар ўзбек халқининг иккинчи жаҳон уруши йилларидаги шонли тарихи, халқимизнинг фронт ва фронт ортида кўрсатган жасорати ва қаҳрамонликлари билан таништирилди.

Ушбу ташриф ёшларимизда бугунги осойишталик, мусаффо осмон, тинчлик қанчалик бебаҳо неъмат эканлиги, уни кўз қорачиғидек асраб авайлаш ҳар биримизнинг бурчимизнинг эканлиги яна бир бор англаб етдилар. 

Бу каби тадбирлар талабаларни юқорида белгиланган мақсадларга эришиш сари тизимли ва доимий равишда ташкиллаштирилиши режалаштирилмоқда.