Маҳаллаларда криминоген вазиятни яхшилашга қаратилган ишлар тизимли давом этмоқда

Ҳуқуқни муҳофаза қилиш академияси бошлиғининг биринчи ўринбосари Е.В.Коленко бошчилигида Академия ишчи гуруҳи томонидан Ўзбекистон Республикаси Президентининг 2025 йил 3 январдаги “2025 йилда республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида”ги ПҚ–1-сон Қарори ижросини таъминлашга қаратилган ишлар тизимли ва изчил давом эттирилмоқда.

Навбатдаги ўрганиш ишлари Тошкент шаҳри Миробод туманида олиб борилиб, туманнинг “Лолазор” маҳалласида Олий Мажлис Сенати Қўмита раиси А.Эшмуратов бошчилигидаги гуруҳ, Академия бошлиги биринчи ўринбосари Е.В.Коленко туман ҳуқуқни муҳофаза қилувчи органлари, маҳалла еттилиги фаолияти ўрганилиб, худудда жиноятчиликни жиловлаш ва коррупцияни, шу жумладан маиший коррупция ҳолатларининг олдини олиш бўйича тавсиялар берилди.

Шу билан бирга, Академия томонидан ишлаб чиқилган, жиноятчиликнинг алоҳида турларини жиловлашга қаратилган услубий қўлланмалар туман ҳуқуқни муҳофаза қилиш органларига тақдим этилди.