Самарқанд вилоятида таълим тизимида коррупциянинг олдини олиш ҳамда ёшларнинг аксилкоррупция соҳасида билимларини ошириш бўйича семинар

Коррупцияга қарши курашиш виртуал академияси орқали аҳоли ва давлат хизматчиларининг ҳуқуқий онги ва ҳуқуқий маданиятини юксалтириш, жамиятда коррупцияга нисбатан ҳуқуқий иммунитетни шакллантириш, ёш авлод онгига ҳалоллик қадриятларини сингдириш мақсадида Академия бошлиғининг биринчи ўринбосари Е.В.Коленко бошчилигидаги ишчи гуруҳ томонидан жойларда сайёр тадбирлар ўтказиб борилмоқда.

Навбатдаги сайёр тадбирлар Самарқанд вилоятидаги ташкил этилиб, дастлаб ишчи гуруҳ вакиллари Самарқанд давлат университети раҳбарияти ҳамда университет ҳузурида ташкил этилган ҳуқуқий тарғибот гуруҳи аъзолари билан коррупцияга қарши курашиш мавзусида давра суҳбати ўтказди.

Шундан сўнг, СамДУ талабалари учун Е.В.Коленко ва Марказ бошлиғи Х.Турсунбеков томонидан таълим тизимидаги коррупция ва унинг олдини олиш, Виртуал академия электрон платформасида талабаларнинг коррупцияга қарши курашиш соҳасидаги билимларини оширишга қаратилган семинар ташкил этилди.

Айнан шу мавзудаги семинар “Ипак йўли” туризм ва маданий мерос халқаро университети талабалари учун ҳам ўтказилди.

Сайёр машғулотлар кейинги куни Самарқанд вилояти Мактабгача ва мактаб таълими бошқармасида давом эттирилди. Аралаш шаклда ташкил этилган семинарда бошқарма, тумандаги мактабгача таълим ҳамда мактаб таълими бўлинмалари раҳбарияти ва бошқа масъул вакиллар қатнашиб, уларга тизимда маиший коррупцияга барҳам беришга оид тушунтиришлар, шунингдек тарбияланувчилар ва ўқувчилар учун Коррупцияга қарши курашиш виртуал академиясида ўқув жараёнини сифатли ташкил этиш бўйича кўрсатмалар берилди.

Академия томонидан жойларда коррупцияга қарши курашиш борасидаги сайёр тадбирлар давом эттирилмоқда.