Ҳамкор ташкилотлар вакиллари иштирокида семинар-тренинг

Ўзбекистон Республикаси Ҳуқуқни муҳофаза қилиш академиясида Ўзбекистон Республикаси Бош прокуратураси, Судьялар олий кенгаши ҳузуридаги Судьялар олий мактаби вакиллари, судьялар, Ихтисослаштирилган прокурорлар корпуси ходимлари, Ўзбекистон Республикаси Адвокатлар Палатаси вакиллари ҳамда Академия профессор-ўқитувчилари иштирокида “Одил судловда тарафлар тортишуви ва ишларни ҳал қилиш функцияларининг ўзига хос жиҳатлари” мавзусида семинар-тренинг ўтказилди.

Тадбирда жиноят процессуал қонунчилигининг тарафлар тортишуви тамойилининг одил судловдаги аҳамияти, айблаш, ҳимоя қилиш ва ишни ҳал қилиш вазифаларининг ўзига хос жиҳатлари, суд муҳокамасида далилларни тақдим этиш, текшириш ва баҳолашда прокурорлар ва адвокатлар зиммасига юклатилган вазифалар суд амалиётидаги муаммолар таҳлили асосида муҳокама этилди.

Семинар-тренингда ҳамкор ташкилотлар вакиллари кун тартибига қўйилган масала доирасида мавжуд муаммолар хусусида батафсил тўхталиб, амалдаги қонунчиликни такомиллаштириш юзасидан фикр ва мулоҳазалар билдирдилар.