Жиноий одил судлов жараёнида коррупциявий хавф-хатарларни минималлаштириш бўйича тренинг

Ҳуқуқни муҳофаза қилиш академиясида “Ўзбекистонда бошқарувни яхшилаш: инклюзив коррупциянинг олдини олиш” лойиҳаси доирасида “Минтақавий мулоқот” нодавлат нотижорат ташкилоти кўмагида жиноий одил судлов жараёнида коррупциявий хавф-хатарларни минималлаштиришга қаратилган амалий тренинг ўтказилди.

Тренинг жиноят ҳуқуқи ва коррупцияга қарши курашиш соҳасидаги халқаро экспертлар: Квентин Рид, Горан Клеменчич ва Шайен Шарбатке томонидан лойиҳани амалга ошириш жалб этилган Академиянинг Коррупцияга қарши курашиш бўйича илмий-таълим маркази ходимлари учун ташкил этилди.

Ўтказилган тадбир мутахассислар малакасини оширишга хизмат қилгани баробарида, тажриба алмашиш ва касбий алоқаларни мустаҳкамлаш учун самарали платформа сифатида хизмат қилди.

Тадбир якунлари коррупцияга қарши кураш ва ҳуқуқни муҳофаза қилувчи барқарор институтларни ривожлантириш соҳасидаги кейинги ҳамкорлик учун мустаҳкам асос бўлиб хизмат қилди.