Ёшларда коррупцияга тоқатсизликни шакллантиришга қаратилган навбатдаги ўқув тадбирлари

Коррупцияга қарши курашиш бўйича миллий кенгаш ва Ёшлар ишлари агентлиги томонидан тасдиқланган дастур асосида республика, ҳудудий ва туман (шаҳар) тарғибот гуруҳлари аъзолари учун “Коррупция – келажакка таҳдид” мавзусида ўқув семинарлари ташкил этилди.

Ўқув дастурига асосан Академиянинг Коррупцияга қарши курашиш илмий-таълим маркази бошлиғи Х.Турсунбеков томонидан Ёшлар ижод саройида аралаш тарзда ўтказилган ўқув тадбирида республика бўйича тарғибот гуруҳларининг минг нафардан ортиқ аъзолари учун “Коррупциянинг ҳуқуқий оқибатлари ва жавобгарлик” мавзуси доирасида маъруза қилиниб, коррупцияга оид ҳуқуқбузарликлар, унинг оқибатлари ва айбдорларга қўлланиладиган жазо чоралари, коррупцияга қарши биргаликда қарши курашиш хусусида тақдимот қилинди.

Шунингдек, ёшларни коррупцияга тоқатсизлик руҳида тарбиялаш, уларда ҳалоллик, қонунга итоаткорлик муносабатини шакллантириш мақсадида Виртуал академия электрон платформаси ёрдамида таълим олиш имкониятлари бўйича тушунтиришлар берилди.