Германия судлов академияси директори, доктор Штефан Тратцнинг ташрифи

Жорий йилнинг 27 ноябрь куни Германия судлов академияси директори, доктор Штефан Тратцнинг Бош прокуратура Академиясига навбатдаги ташрифи бўлиб ўтди.

Ш.Тратц жорий йилнинг май ойида Олий ўқув курслари қайта ташкил этилганлиги ва Бош прокуратура Академияси тузилганлиги муносабати билан соҳада рўй берган ўзгаришлар ҳақида хабардор қилинди.

Ш.Тратц Академия ўқув жараёнининг ташкил этилиши, унинг ташкилий тармоқлари иш фаолияти билан таништирилди.

Немис эксперти Академияни стратегик ривожлантириш, лойиҳа бошқарувини қўллаш, ўқув жараёнини ташкиллаштириш ва ўқув дастурларини ишлаб чиқиш масалалари юзасидан консультатив кўмак кўрсатди.

Академия раҳбарияти билан учрашувда тарафлар прокурор кадрларни қайта тайёрлаш соҳасида тажриба алмашиш ва ҳамкорликдаги илмий-таълим фаолиятини амалга ошириш масалаларини муҳокама қилишди.

Ҳар икки муассасанинг ўхшаш жиҳатлари мавжудлиги сабабли Бош прокуратура Академияси бошлиғи Е.Коленко Академиянинг ташкил этилишида немис академияси моделидан фойдаланилганлигини қайд этди.

Шунингдек, Ш.Тратц иштирокида Академиянинг профессор-ўқитувчилари учун семинар ташкил этилиб, у томонидан Германияда юридик таълим тизими, прокурорлар ва судьяларнинг малакасини ошириш бўйича замонавий ғоялар ҳақида маълумот бериб ўтди.

Ташриф Ф.Эберт жамғармаси ҳамкорлигида ташкил этилди.