Академия киберхавфсизлик соҳасида мутахассис вазифасига танлов эълон қилади (шартнома асосида вақтинчалик иш)

Ўзбекистон Республикаси Ҳуқуқни муҳофаза қилиш академияси Ўзбекистон Республикаси Президентининг
2022 йил 28 ноябрдаги “Жиноятларни тергов қилиш соҳасида малакали кадрларни тайёрлашнинг сифат жиҳатидан янги тизимини жорий этиш тўғрисида”ги ПФ–257-сонли Фармонига мувофиқ ташкил этилган.

Академия фаолиятининг асосий йўналишлари сифатида:

таълим олувчиларда инсон ҳуқуқ ва эркинликларига сўзсиз риоя қилиш маданияти билан уйғунлашган юксак маънавий, психологик, таҳлилий ва касбий сифатларни ривожлантиришнинг самарали тизимини жорий этган ҳолда жиноятларни тергов қилиш соҳасида мутахассисларни чуқурлаштирилган мақсадли базавий тайёрлаш;

махсус касбий кўникмаларни шакллантириш ва ривожлантириш, суд-ҳуқуқ соҳасидаги ислоҳотларнинг мазмун-моҳиятини етказишга қаратилган дастурлар асосида тергов ҳамда ҳуқуқни муҳофаза қилиш фаолиятининг бошқа соҳаларида кадрларни тайёрлаш, қайта тайёрлаш ва уларнинг малакасини ошириш;

коррупцияга ҳамда жиноий даромадларни легаллаштиришга қарши курашиш соҳаларида махсус ўқув дастурлари асосида давлат органлари ва бошқа ташкилотлар ходимларининг малакасини ошириш ва қайта тайёрлаш тизимини йўлга қўйиш;

жиноятларни тергов қилиш методикаси ва тактикасини самарали белгилаш асосида жиноят ишлари бўйича мустақил иш юритиш кўникмаларини ривожлантиришга қаратилган интерфаол ўқитиш методларини таълим жараёнига татбиқ этиш;

прокуратура органлари ходимларида билим ва кўникмаларни, шу жумладан, тизимли таҳлил ва танқидий фикрлашни, қонунийликни таъминлаш юзасидан адолат ва масъулият каби юксак туйғуларни шакллантириш ва мустаҳкамлашга қаратилган тайёрлаш, қайта тайёрлаш ва малака оширишнинг яхлит тизимини ташкил этиш ва бошқалар белгиланган.

Ҳозирги вақтда Академия фаолиятига киберхавфсизлик (таълим соҳасида тажрибага эга бўлган) соҳасидаги мутахассисни вақтинчалик асосда жалб қилиш зарурати юзага келди. Мутахассис томонидан тақдим этилган ҳужжатлар маъқулланган тақдирда, номзод билан Академия ўртасида икки томонлама фуқаролик ҳуқуқий шартнома тузилади.

Мутахассиснинг мажбуриятлари:

– Академия раҳбариятининг топшириғига асосан Академияда киберхавфсизлик соҳасига оид лойиҳаларини ишлаб чиқиш ва амалга ошириш, шартномага илова қилинган бажариладиган ишлар календарь режасига мувофиқ Академия ходимлари ва таълим олувчиларда киберхавфсизлик соҳасида кўникмаларни шакллантиришга қаратилган қуйидаги хизматларни (кейинги ўринларда – “хизматлар”) кўрсатиш:

– Академияда киберхавфсизлик соҳаси бўйича ўқув ва ўқув-услубий қўлланмаларни тайёрлаш;

– ўқув режага мувофиқ Академияда “Киберхавфсизлик асослари” модули бўйича фонд маърузаларини ишлаб чиқиш;

– Академияда “Киберхавфсизлик асослари” фани бўйича тест материаллари ва тақдимотларни тайёрлаш;

– “Киберхавфсизлик асослари” модули бўйича машғулотлар ўтказиш.

Номзодга қўйиладиган талаблар:

Киберхавфсизлик соҳасида малакани тасдиқловчи ҳужжат (диплом, сертификат);

Киберхавфсизлик соҳасида камида икки йиллик иш тажрибаси;

Ўзбек ва рус тилларини яхши билиш.

Мазкур иш 2 (икки) ой муддатга белгиланган бўлиб, кейинчалик заруратга кўра, фуқаролик меҳнат шартномаси асосида Академияга ишга қабул қилиниши мумкин.

Бажарилган иш учун тўлов миқдори тарафлар келишуви билан белгиланади ва талабгорга бажарилган иш натижасига кўра тўланади.

Талаблар: ташаббускорлик, жамоа бўлиб ишлаш қобилияти, берилган топшириқларни ўз вақтида бажариш,

Иш вақти: ҳафтасига 5 кунлик иш режимида 40 соатни ташкил этади.

Талабгор Академия Кадрлар бўлимига фуқаролик паспорти ёки ID картаси билан шахсан мурожаат қилиб, тегишли ҳужжатлар (шахсини тасдиқловчи ҳужжат, объективка, олий маълумот тўғрисида диплом ва унинг иловаси, меҳнат дафтарчаси нусхаси, ЖШИР маълумотномаси)ни тақдим этиши лозим.

Тақдим этилган ҳужжатлар ўрганиб чиқилгач, заруратга кўра, номзод билан комиссия таркибида суҳбат ўтказилади.

Ҳужжатларни топшириш муддати 2025 йил 25 июнга қадар.

тел: 71 202-04-96 (1962)