Маҳаллаларда криминоген вазиятни яхшилашга қаратилган ишлар тизимли давом этмоқда

Ўзбекистон Республикаси Президентининг 2025 йил 3 январдаги “2025 йилда республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида”ги ПҚ–1-сон Қарори ижросини таъминлашга қаратилган ишлар тизимли ва изчил давом эттирилмоқда.

Хусусан, Ҳуқуқни муҳофаза қилиш академияси томонидан маҳаллалардаги жиноятчилик вазиятини илмий ёндашув асосида навбатдаги ўрганиш ишлари Тошкент шаҳар, Яшнобод туманида олиб борилиб, туманнинг “Чўлпон”, “Янгиқўрғон”, “Бойсун”, “Жарқўрғон” ва “Уччинор” маҳаллаларида жиноятчиликни жиловлаш, маҳалла фаолларини жамоат хавфсизлигини мустаҳкамлаш жараёнларига кенг жалб қилишга алоҳида эътибор қаратилмоқда.

Академия мутахассисларнинг ҳудуддаги криминоген вазиятнинг кундалик таҳлили асосида ишлаб чиққан хулосалари ва таклифлари маҳаллаларда хавфсиз муҳитни яратиш ва ҳуқуқбузарликларнинг олдини олиш тизими самарадорлигини янада оширишга ижобий ҳисса қўшмоқда.

Туманнинг “қизил” ва “сариқ” тоифага киритилган ҳар бир маҳалласидаги жиноятчилик вазиятига таъсир этувчи омилларни ҳар томонлама таҳлил қилиш натижасида ҳуқуқбузарликларнинг ўзига хос хусусиятлари баҳоланиб, манзилли профилактика тизимини жорий этиш бўйича илмий асосланган таклифлар бериб борилмоқда.

Ҳудудларда мазкур йўналишлардаги ўқув амалий машғулотлар тизимли давом эттирилади.