Академия вакилларининг Идоралараро комиссия йиғилишида иштироки тўғрисида

Бош прокуратура ҳузуридаги Иқтисодий жиноятларга қарши курашиш департаментида Жиноий даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш бўйича Идоралараро комиссиясининг навбатдаги йиғилиши бўлиб ўтди.

Комиссия йиғилишида Олий суд, Давлат хавфсизлик хизмати, Ички ишлар вазирлиги, Божхона қўмитаси, Марказий банк, Истиқболли лойиҳалар миллий агентлиги, Иқтисодиёт ва молия вазирлиги, Ҳуқуқни муҳофаза қилиш академияси ва бошқа идораларнинг раҳбар ва ходимлари иштирок этди.

Йиғилишда кун тартибига киритилган бошқа масалалар билан бир қаторда жиноий даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш миллий тизими иштирокчиларини ўқитиш масаласи ҳам муҳокама қилинди.

Академия вакили томонидан бу соҳада махсус ўқув дастурлари асосида давлат органлари ва бошқа ташкилотлар ходимларининг малакасини ошириш ва қайта тайёрлаш Академия фаолиятининг асосий йўналишларидан бири этиб белгиланганлиги қайд этилиб, иштирокчиларга бу борада амалга оширилган ишлар ва мавжуд имкониятлар тўғрисида маълумот берилди.

Комиссия йиғилиши якуни бўйича тегишли қарорлар қабул қилинди.