Академия UI/UX дизайнер вазифасига танлов эълон қилади (шартнома асосида вақтинчалик иш)

Ўзбекистон Республикаси Ҳуқуқни муҳофаза қилиш академияси Ўзбекистон Республикаси Президентининг 2022 йил 28 ноябрдаги “Жиноятларни тергов қилиш соҳасида малакали кадрларни тайёрлашнинг сифат жиҳатидан янги тизимини жорий этиш тўғрисида”ги ПФ–257-сон Фармонига мувофиқ ташкил этилган.

Академияда рақамли таълим тизимларини жорий этиш ва уларни ривожлантириш доирасида юқори малакали UI/UX дизайнерни вақтинчалик асосда жалб этиш зарурати мавжуд.

Мутахассис томонидан тақдим этилган ҳужжатлар маъқулланган тақдирда, у билан Академия ўртасида икки томонлама фуқаролик ҳуқуқий шартнома имзоланади.

UI/UX дизайнер қуйидаги вазифаларни бажариши лозим:

• Таълим платформалари ва ахборот тизимлари учун фойдаланувчига қулай веб ва мобил интерфейсларини лойиҳалаш ва модернизация қилиш;
• Figma, Adobe XD каби инструментлар ёрдамида UI макетларини яратиш ва прототиплаш;
• Front-end дастурчилар билан ҳамкорликда дизайнларни ишлаб чиқиш ва жорий этиш;
• Фойдаланувчи тажрибасини таҳлил қилиш, юз бериши мумкин бўлган муаммоларни аниқлаш ва таклифлар бериш;
• Тизимлар учун дизайн гайдлайн, UI компонентлар китобхонасини яратиш ва юритиш;
• Респондентлар билан фокус гуруҳлар ва тест сессиялар ўтказишда иштирок этиш.

Номзодга қўйиладиган талаблар:

• UI/UX соҳасида олий маълумот ёки тегишли курс/сертификатлар;
• Figma, Adobe XD, Photoshop, Illustrator каби инструментлар билан ишлаш тажрибаси;
• Веб ва мобил иловалар интерфейси бўйича 2 йиллик тажриба (responsive design, accessibility, usability);
• HTML, CSS, JavaScript асослари ҳақида тушунча (афзаллик сифатида баҳоланади);
• UX тадқиқотлари, wireframing, prototyping, user flow ва usability testing жараёнларидан хабардорлик;
• Git орқали жамоавий ишлаш тажрибаси — афзаллик.

Қўшимча шартлар:

• Иш муддати – 6 (олти) ой. Келгусида заруратга кўра, фуқаролик меҳнат шартномаси асосида ишга қабул қилиниши мумкин.
• Бажарилган иш учун тўлов миқдори тарафлар келишуви асосида белгиланади.
• Иш вақти – ҳафтасига 5 кун, кунига 8 соат (40 соатлик иш режим).
• Иш жойи – Академия биносида жисмоний ҳозирликда ёки шартномада кўрсатилган ҳолда гибрид шаклда.

Шахсий сифатлар:

• Ташаббускорлик, жамоа билан ҳамнафас ишлаш;
• Мустақил фикр юритиш ва ижодкорлик;
• Маъсулият ва белгиланган вазифаларни ўз вақтида ва аниқ бажариш қобилияти.

Ҳужжатлар рўйхати:

• Шахсини тасдиқловчи ҳужжат (паспорт ёки ID карта);
• Объективка (резюме);
• Олий маълумот дипломи ва иловаси (ёки сертификатлар);
• Меҳнат дафтарчаси нусхаси (бор бўлса);
• СТИР маълумотномаси.

Ҳужжатларни топшириш муддати – 2025 йил 15 июлга қадар.

Манзил: Юнусобод тумани, Рихсили, 9.

Телефон: 71 202-04-96 (1761)