Akademiya UI/UX dizayner vazifasiga tanlov e’lon qiladi (shartnoma asosida vaqtinchalik ish)

O‘zbekiston Respublikasi Huquqni muhofaza qilish akademiyasi O‘zbekiston Respublikasi Prezidentining 2022-yil 28-noyabrdagi “Jinoyatlarni tergov qilish sohasida malakali kadrlarni tayyorlashning sifat jihatidan yangi tizimini joriy etish to‘g‘risida”gi PF–257-son Farmoniga muvofiq tashkil etilgan.

Akademiyada raqamli ta’lim tizimlarini joriy etish va ularni rivojlantirish doirasida yuqori malakali UI/UX dizaynerni vaqtinchalik asosda jalb etish zarurati mavjud.

Mutaxassis tomonidan taqdim etilgan hujjatlar ma’qullangan taqdirda, u bilan Akademiya o‘rtasida ikki tomonlama fuqarolik huquqiy shartnoma imzolanadi.

UI/UX dizayner quyidagi vazifalarni bajarishi lozim:

• Ta’lim platformalari va axborot tizimlari uchun foydalanuvchiga qulay veb va mobil interfeyslarini loyihalash va modernizatsiya qilish;
• Figma, Adobe XD kabi instrumentlar yordamida UI maketlarini yaratish va prototiplash;
• Front-end dasturchilar bilan hamkorlikda dizaynlarni ishlab chiqish va joriy etish;
• Foydalanuvchi tajribasini tahlil qilish, yuz berishi mumkin bo‘lgan muammolarni aniqlash va takliflar berish;
• Tizimlar uchun dizayn gaydlayn, UI komponentlar kitobxonasini yaratish va yuritish;
• Respondentlar bilan fokus guruhlar va test sessiyalar o‘tkazishda ishtirok etish.

Nomzodga qo‘yiladigan talablar:

• UI/UX sohasida oliy ma’lumot yoki tegishli kurs/sertifikatlar;
• Figma, Adobe XD, Photoshop, Illustrator kabi instrumentlar bilan ishlash tajribasi;
• Veb va mobil ilovalar interfeysi bo‘yicha 2-yillik tajriba (responsive design, accessibility, usability);
• HTML, CSS, JavaScript asoslari haqida tushuncha (afzallik sifatida baholanadi);
• UX tadqiqotlari, wireframing, prototyping, user flow va usability testing jarayonlaridan xabardorlik;
• Git orqali jamoaviy ishlash tajribasi — afzallik.

Qo‘shimcha shartlar:

• Ish muddati – 6 (olti) oy. Kelgusida zaruratga ko‘ra, fuqarolik mehnat shartnomasi asosida ishga qabul qilinishi mumkin.
• Bajarilgan ish uchun to‘lov miqdori taraflar kelishuvi asosida belgilanadi.
• Ish vaqti – haftasiga 5 kun, kuniga 8 soat (40 soatlik ish rejim).
• Ish joyi – Akademiya binosida jismoniy hozirlikda yoki shartnomada ko‘rsatilgan holda gibrid shaklda.

Shaxsiy sifatlar:

• Tashabbuskorlik, jamoa bilan hamnafas ishlash;
• Mustaqil fikr yuritish va ijodkorlik;
• Ma’suliyat va belgilangan vazifalarni o‘z vaqtida va aniq bajarish qobiliyati.

Hujjatlar ro‘yxati:

• Shaxsini tasdiqlovchi hujjat (pasport yoki ID karta);
• Obyektivka (rezyume);
• Oliy ma’lumot diplomi va ilovasi (yoki sertifikatlar);
• Mehnat daftarchasi nusxasi (bor bo‘lsa);
• STIR ma’lumotnomasi.

Hujjatlarni topshirish muddati – 2025-yil 15-iyulga qadar.

Manzil: Yunusobod tumani, Rixsili, 9.

Telefon: 71 202-04-96 (1761)