Иқтидорли талабалар диққатига!

2025/2026 ўқув йили учун Ўзбекистон Республикаси Президенти ва номли давлат стипендиялари учун номзодларни тавсия этиш жараёни бошланганлиги маълум қилинади.

Ўзбекистон Республикаси Ҳуқуқни муҳофаза қилиш Академияси талабалари қуйидаги стипендиялари учун танловда иштирок этишлари мумкин:

• Президент стипендияси
• Навоий номли стипендия
• Ислом Каримов номли стипендия

Номзодларни аниқлашда уларнинг аъло баҳоларга ўқиши, чет тилини пухта билиши, ижодий, ижтимоий ва интеллектуал танловлар, маънавий-маърифий тадбирлар, жамоат ишларидаги фаоллиги инобатга олинади.

Президент стипендияси учун танловда фақатгина битирувчи курсга ўтган талабалар иштирок этишлари мумкин.

Президент стипендияси учун талаблар:

1. Битирувчи курс талабаси бўлиши;

2. Шу кунга қадар бўлган барча ўқув модуллар бўйича синов баҳолари аъло бўлиши;

3. Чет тилларини ҳамда Ўзбекистон тарихини яхши билиши;

4. Ўқиётган бакалавриат йўналишига мос мавзуда камида 2 та мақола эълон қилган бўлиши (мақолалар нуфузли хамда тасдиқланган газета журналларда чоп этилганлигига аҳамият қаратилади);

5. Йўналишлар бўйича конференция (танлов)ларда қатнашган бўлишлари шарт.

Навоий ҳамда Ислом Каримов номли давлат стипендиялари учун асосий талаблар:

1. Танловда фақат юқори курсга (“Тергов фаолияти” 2-3-курсга ўтган ёки “Прокурорлик фаолияти” 3-4-курсга) ўтган талабалар иштирок этишлари мумкин;

2. Шу кунга қадар бўлган барча ўқув модуллар бўйича синов баҳолари аъло бўлиши (кўпи билан 25 фоизи «яхши») ва илмий (ижодий) ишларда иштирок этиш (мақолалар нуфузли ҳамда тасдиқланган газета ёки журналларда чоп этилганлигига аҳамият қаратилади);

3. Йўналишлар бўйича конференция (танлов)ларда қатнашганлиги;

4. Чет тилларини ҳамда Ўзбекистон тарихини яхши билиши лозим.

Талаб этиладиган асосий ҳужжатлар:

1. Маълумотнома;

2. GPA (барча модуллар бўйича баҳолар “аъло” бўлиши зарур);

3. Факультет ва кафедранинг тавсияномаси;

4. Илмий (ижодий) иш раҳбарининг тавсияномаси;

5. Илмий ишлар рўйхати (юриспруденцияга оид камида 2 та) ва уларнинг босма нусхалари;

6. Йўналиш (юриспруденция) бўйича конференция (танлов)ларда иштирок этганлигини тасдиқловчи ҳужжатлар (диплом, сертификат) нусхалари ёки асл нусхаси;

7. Бошқа нуфузли йирик танловларда иштирок этганлик (диплом, сертификат) ёки ғолибликни тасдиқловчи ҳужжат нусхалари ёки асл нусхаси.

Барча ҳужжатлар электрон шаклда One ID тизимига ҳамда 2025 йил 25 июль кунига қадар Академиянинг ёшлар билан ишлаш, маънавият ва маърифат бўлимига тақдим этилиши лозим. Электрон ҳужжат номида Ўзбекистон Республикаси Президенти ёки номли давлат стипендияси номи, талабгорнинг фамилияси, исми ва отасининг исми, факультети, бакалавриат таълим йўналиши, курси, гуруҳи кўрсатилади.