Iqtidorli talabalar diqqatiga!

2025/2026 o‘quv yili uchun O‘zbekiston Respublikasi Prezidenti va nomli davlat stipendiyalari uchun nomzodlarni tavsiya etish jarayoni boshlanganligi ma’lum qilinadi.

O‘zbekiston Respublikasi Huquqni muhofaza qilish Akademiyasi talabalari quyidagi stipendiyalari uchun tanlovda ishtirok etishlari mumkin:

• Prezident stipendiyasi
• Navoiy nomli stipendiya
• Islom Karimov nomli stipendiya

Nomzodlarni aniqlashda ularning a’lo baholarga o‘qishi, chet tilini puxta bilishi, ijodiy, ijtimoiy va intellektual tanlovlar, ma’naviy-ma’rifiy tadbirlar, jamoat ishlaridagi faolligi inobatga olinadi.

Prezident stipendiyasi uchun tanlovda faqatgina bitiruvchi kursga o‘tgan talabalar ishtirok etishlari mumkin.

Prezident stipendiyasi uchun talablar:

1. Bitiruvchi kurs talabasi bo‘lishi;

2. Shu kunga qadar bo‘lgan barcha o‘quv modullar bo‘yicha sinov baholari a’lo bo‘lishi;

3. Chet tillarini hamda O‘zbekiston tarixini yaxshi bilishi;

4. O‘qiyotgan bakalavriat yo‘nalishiga mos mavzuda kamida 2 ta maqola e’lon qilgan bo‘lishi (maqolalar nufuzli hamda tasdiqlangan gazeta jurnallarda chop etilganligiga ahamiyat qaratiladi);

5. Yo‘nalishlar bo‘yicha konferensiya (tanlov)larda qatnashgan bo‘lishlari shart.

Navoiy hamda Islom Karimov nomli davlat stipendiyalari uchun asosiy talablar:

1. Tanlovda faqat yuqori kursga (“Tergov faoliyati” 2-3-kursga o‘tgan yoki “Prokurorlik faoliyati” 3-4-kursga) o‘tgan talabalar ishtirok etishlari mumkin;

2. Shu kunga qadar bo‘lgan barcha o‘quv modullar bo‘yicha sinov baholari a’lo bo‘lishi (ko‘pi bilan 25 foizi «yaxshi») va ilmiy (ijodiy) ishlarda ishtirok etish (maqolalar nufuzli hamda tasdiqlangan gazeta yoki jurnallarda chop etilganligiga ahamiyat qaratiladi);

3. Yo‘nalishlar bo‘yicha konferensiya (tanlov)larda qatnashganligi;

4. Chet tillarini hamda O‘zbekiston tarixini yaxshi bilishi lozim.

Talab etiladigan asosiy hujjatlar:

1. Ma’lumotnoma;

2. GPA (barcha modullar bo‘yicha baholar “a’lo” bo‘lishi zarur);

3. Fakultet va kafedraning tavsiyanomasi;

4. Ilmiy (ijodiy) ish rahbarining tavsiyanomasi;

5. Ilmiy ishlar ro‘yxati (yurisprudensiyaga oid kamida 2 ta) va ularning bosma nusxalari;

6. Yo‘nalish (yurisprudensiya) bo‘yicha konferensiya (tanlov)larda ishtirok etganligini tasdiqlovchi hujjatlar (diplom, sertifikat) nusxalari yoki asl nusxasi;

 7. Boshqa nufuzli yirik tanlovlarda ishtirok etganlik (diplom, sertifikat) yoki g‘oliblikni tasdiqlovchi hujjat nusxalari yoki asl nusxasi.

Barcha hujjatlar elektron shaklda One ID tizimiga hamda 2025-yil 25-iyul kuniga qadar Akademiyaning yoshlar bilan ishlash, ma’naviyat va ma’rifat bo‘limiga taqdim etilishi lozim. Elektron hujjat nomida O‘zbekiston Respublikasi Prezidenti yoki nomli davlat stipendiyasi nomi, talabgorning familiyasi, ismi va otasining ismi, fakulteti, bakalavriat ta’lim yo‘nalishi, kursi, guruhi ko‘rsatiladi.