Ёшлар учун ҳалоллик ва ҳуқуқий таълимга бағишланган Ёзги мактабда иштирок этилди

Академия Юридик клиникаси раҳбари ва волонтёрлари олий таълим муассасалари юридик клиникалари талабалари учун Бўстонлиқ туманида ташкил этилган “Бошқарувда ҳалолликни шакллантириш: ҳуқуқий таълим коррупцияга қарши ислоҳотлар воситаси сифатида” мавзусида Ёзги мактабда иштирок этдилар.

Тадбир Коррупцияга қарши курашиш агентлиги, БМТ Тараққиёт дастурининг Ўзбекистондаги ваколатхонаси ва Европа Иттифоқи ҳамкорлигида ўтказилди. Ёзги мактаб “Ўзбекистонда коррупцияга қарши миллий экотизимини мустаҳкамлаш” қўшма лойиҳаси доирасида амалга оширилди.

Тадбирдан кўзланган асосий мақсад – ёшларнинг ҳуқуқий билимини ошириш, фуқаролик фаоллигини кучайтириш ва уларни коррупцияга қарши кураш жараёнига жалб этишдан иборат бўлди.

Талабалар волонтёрлик фаолияти орқали аҳоли ўртасида профилактика ишлари; аксилкоррупция коворкинг марказлари фаолияти; давлат харидлари устидан жамоатчилик мониторинги; Коррупцияга қарши виртуал академия онлайн курслари; БМТ Конвенцияси ва халқаро стандартлар каби йўналишларда билим ва амалий кўникмаларга эга бўлишди:

Тадбир якунида иштирокчиларга сертификатлар топширилди.

Мазкур ташаббуслар ОТМ ва давлат органлари орасидаги амалий ҳамкорликни мустаҳкамлашга кўмаклашади ҳамда ёшлар онгида ҳалоллик, масъулият ва ҳуқуқий маданиятни шакллантиришда муҳим ўрин тутади.