Yoshlar uchun halollik va huquqiy ta’limga bag‘ishlangan Yozgi maktabda ishtirok etildi

Akademiya Yuridik klinikasi rahbari va volontyorlari oliy ta’lim muassasalari yuridik klinikalari talabalari uchun Bo‘stonliq tumanida tashkil etilgan “Boshqaruvda halollikni shakllantirish: huquqiy ta’lim korrupsiyaga qarshi islohotlar vositasi sifatida” mavzusida Yozgi maktabda ishtirok etdilar.

Tadbir Korrupsiyaga qarshi kurashish agentligi, BMT Taraqqiyot dasturining O‘zbekistondagi vakolatxonasi va Yevropa Ittifoqi hamkorligida o‘tkazildi. Yozgi maktab “O‘zbekistonda korrupsiyaga qarshi milliy ekotizimini mustahkamlash” qo‘shma loyihasi doirasida amalga oshirildi.

Tadbirdan ko‘zlangan asosiy maqsad – yoshlarning huquqiy bilimini oshirish, fuqarolik faolligini kuchaytirish va ularni korrupsiyaga qarshi kurash jarayoniga jalb etishdan iborat bo‘ldi.

Talabalar volontyorlik faoliyati orqali aholi o‘rtasida profilaktika ishlari; aksilkorrupsiya kovorking markazlari faoliyati; davlat xaridlari ustidan jamoatchilik monitoringi; Korrupsiyaga qarshi virtual akademiya onlayn kurslari; BMT Konvensiyasi va xalqaro standartlar kabi yo‘nalishlarda bilim va amaliy ko‘nikmalarga ega bo‘lishdi:

Tadbir yakunida ishtirokchilarga sertifikatlar topshirildi.

Mazkur tashabbuslar OTM va davlat organlari orasidagi amaliy hamkorlikni mustahkamlashga ko‘maklashadi hamda yoshlar ongida halollik, mas’uliyat va huquqiy madaniyatni shakllantirishda muhim o‘rin tutadi.