Одам савдосига қарши курашиш соҳасидаги халқаро ўқув курсида иштирок этилди  

Ўзбекистон Республикаси Ҳуқуқни муҳофаза қилиш академияси ходими А.О.Халмуратов АҚШ Давлат департаменти томонидан ташкил этилган Халқаро ташриф буюрувчилар етакчилиги дастури (IVLP) доирасидаги “Одам савдоси: оқибатларининг олдини олиш ва юмшатиш II” мавзусидаги ўқув курсда иштирок этди.

Ушбу тадбирда Албания, Бангладеш, Бразилия, Болгария, Дания, Италия, Иордания, Малайзия, Черногория, Филиппин, Сингапур, Тайвань, Танзания, Тайланд, Шарқий Тимор ва Ўзбекистон каби қатор давлатларнинг ҳуқуқни муҳофаза қилувчи органлари ва нодавлат нотижорат ташкилотлари вакиллари иштирок этишди.

Ўқув машғулотларида қуйидаги йўналишлар бўйича маърузалар
ва амалий семинарлар ўтказилди:

·  Одам савдосига қарши курашишда замонавий усул ва воситалар;

·  Болалар ва аёллар савдоси, мажбурий меҳнатга қарши курашишдаги АҚШ амалиёти;

·  Тергов ва прокурор назоратини самарали ташкил этиш;

·  Мигрантлар ҳуқуқ ва эркинликларини ҳимоя қилиш;

·  Рақамли технологиялар орқали одам савдосини аниқлаш усуллари;

·  Яширин схемалар ва одам савдосининг глобал тенденциялари;

·  Меҳнат муҳожирларининг ишга жойлашувини мониторинг қилиш;

·  Жиноий, маъмурий, фуқаролик-процессуал ва тезкор-қидирув чоралари.

Шунингдек, Академия вакили Марказий Флорида университетининг (University of Central Florida) одам савдосининг олдини олиш ва унга қарши курашиш бўйича ўқитиш тизими ҳамда таълим дастурлари билан яқиндан танишди.

Ушбу халқаро курс иштирокчиларга одам савдосининг олдини олиш ва унга қарши курашиш бўйича илғор тажрибаларни чуқур ўрганиш, шунингдек, келгусида ўз мамлакатларида бу соҳадаги механизмларни жорий этиш бўйича билим ва кўникмаларни ошириш имконини яратди.