Академия ходимлари томонидан “Кибержиноятчиликка қарши кураш масалалари” мавзусида амалий ўқув машғулоти ўтказилди  

Бош прокуратуранинг Кибержиноятчиликка қарши курашишда қонунийликни таъминлаш бўлими бошлиғи А. Ғуломов, Самарқанд вилояти Ички ишлар бошқармаси бошлиғининг биринчи ўринбосари Н. Хайдаров ҳамда Ҳуқуқни муҳофаза қилиш академияси Рақамли криминалистика илмий-тадқиқот институти ходимлари томонидан Самарқанд вилоятида туман прокурорларининг соҳавий ўринбосарлари ҳамда ИИБ ходимлари учун “Кибержиноятчиликка қарши кураш масалалари” мавзусида ўқув амалий семинар ташкил этилди.

Тадбир доирасида терговчилар ва прокурорлар учун кибержиноятларни фош этиш ҳамда тергов қилишдаги долзарб масалалар, замонавий рақамли технологиялар ҳамда махсус техник воситаларни самарали қўллаш усуллари ҳақида амалий маълумотлар берилди.

Шунингдек, семинар давомида рақамли далилларни тўплаш
ва таҳлил қилиш, ҳамда мазкур соҳада назоратни кучайтиришга оид долзарб масалалар муҳокама қилинди.

Ҳуқуқни муҳофаза қилиш академияси томонидан жойлардаги тергов органлари учун ўтказиладиган амалий машғулотлар келгусида ҳам изчил равишда давом эттирилади.