Ғарбий ва Марказий Осиё давлатларининг Активларни қайтариш бўйича идоралараро тармоғи (ARIN-WCA) ва UNODC томонидан “Активларни қайтариш” масалалари бўйича режалаштирилган ходимларнинг малакасини ошириш тадбирлари муҳокама қилинди

Ғарбий ва Марказий Осиё давлатларининг Активларни қайтариш бўйича идоралараро тармоғи (ARIN-WCA) Котибияти ва БМТнинг Наркотиклар ва жиноятчилик бўйича идораси (UNODC)нинг Афғонистон, Эрон, Покистон ва Марказий Осиё бўйича минтақавий ваколатхонаси вакиллари учрашув ўтказилди.

Учрашувда “Активларни қайтариш” соҳасида фаолият юритувчи ходимлар малакасини ошириш бўйича режалаштирилган тадбирлар муҳокама қилинди.

Томонлар малака ошириш дастурларини амалга ошириш, халқаро ҳамкорликни мустаҳкамлаш ва мамлакатлар ўртасида самарали маълумот алмашиш механизмларини ривожлантиришга алоҳида эътибор қаратдилар.

Учрашув якунида Тармоққа аъзо иштирокчилар малакасини ошириш бўйича чора-тадбирларни шакллантириш ва ходимларда зарур кўникмаларни такомиллаштириш бўйича машғулотлар ўтказиб боришга келишилди.