Тошкент вилояти Юқоричирчиқ туманидаги кўп тармоқли фермер хўжаликларида сайёр машғулотлар ўтказилди

Бош прокуратура Академиясида 2018 йилнинг 26 ноябрь кунидан бошлаб, илк маротаба Агросаноат мажмуи ва озиқ-овқат хавфсизлиги таъминланиши устидан назорат қилиш инспекциясининг туман бўлимлари бошлиқ ўринбосарлари иштирокида малака ошириш курси ўтказилмоқда.

Ушбу малака ошириш курси қишлоқ ва сув хўжалиги, шунингдек, озиқ-овқат хавфсизлиги соҳасидаги қонун ҳужжатлари ва норматив ҳужжатлар ижроси устидан назорат қилишнинг долзарб масалалари муҳокамасига бағишланган.

Таъкидлаш жоизки, тасдиқланган ўқув дастурига асосан, намунали фермер ва бошқа хўжаликлар фаолияти билан яқиндан танишишга қаратилган сайёр машғулотлар мунтазам равишда ўтказиб келинмоқда.

Жумладан, жорий йилнинг 1 декабрь куни Тошкент вилояти, Юқоричирчиқ туманида жойлашган фермер хўжаликларида сайёр машғулот ўтказилди. Унда тингловчилар кўп тармоқли “Кавсар замин омад” фермер хўжалиги ва чорвачиликка ихтисослашган “ТАНО” фермер хўжалиги фаолияти билан танишишди.

Ўқув машғулотлари ҳозирда давом этмоқда.