Ҳудудларда хавфсиз муҳитни таъминлашда тизимли ёндашув

Ўзбекистон Республикаси Президентининг 2025 йил 3 январдаги "2025 йилда республика маҳаллаларида хавфсиз муҳит яратиш ва ҳуқуқбузарликларнинг барвақт олдини олиш тизими самарадорлигини янада ошириш чора-тадбирлари тўғрисида"ги ПҚ–1-сон қарори ҳамда 2025 йил 18 августдаги «Ўзбекистон Республикаси Президентининг айрим қарорларига маҳаллаларда жиноятчиликнинг барвақт олдини олиш тизими натижадорлигини янада оширишга қаратилган ўзгартириш ва қўшимчалар киритиш тўғрисида»ги ПҚ–253-сон қарори ижросини таъминлаш мақсадида Ҳуқуқни муҳофаза қилиш академияси томонидан жойларда тизимли равишда илмий-амалий ишлар амалга оширилмоқда.

Академия профессор-ўқитувчиларидан иборат ишчи гуруҳи томонидан Сурхондарё вилоятининг “Боғишамол”, “Каттабоғ”, “Боғи нав” ва “Катта ҳаёт” маҳаллаларида кенг қамровли ўрганишлар ўтказилди.

Таҳлиллар жараёнида маҳаллаларда жиноятчиликка таъсир этувчи омиллар, унинг олдини олишга қаратилган профилактика ишларининг самарадорлиги, шунингдек аҳоли дуч келаётган ижтимоий-маиший муаммолар атрофлича ўрганилди.

Ўрганишлар натижасига кўра, ҳар бир ҳудуднинг ўзига хос жиҳатларини ҳисобга олган ҳолда илмий асосланган таклиф ва тавсиялар ишлаб чиқилиб, улар асосида жорий ой учун манзилли “йўл хариталари” тайёрланди.

Ҳуқуқни муҳофаза қилиш академияси жойларда профилактика ишларини самарали ташкил этиш, аҳоли учун хавфсиз ва барқарор муҳитни таъминлашга қаратилган илмий-амалий фаолиятни келгусида ҳам изчил давом эттиради.