Маҳаллаларда криминоген вазиятни илмий ёндашув асосида ўрганиш давом этмоқда

Ҳуқуқни муҳофаза қилиш академияси маҳаллаларда криминоген вазиятни илмий ёндашувлар асосида ўрганиш бўйича тизимли ишларни давом эттирмоқда.

Навбатдаги мониторинг Миробод туманидаги "Тонг Юлдузи"маҳалласида ўтказилиб, унда ҳуқуқбузарлик ва жиноятларни ўз вақтида аниқлаш ҳамда уларнинг олдини олиш масалаларига алоҳида эътибор қаратилди.

Миробод тумани ИИБ ФМБ раҳбарияти ва бошқа масъул шахслар билан ҳамкорликда маҳаллада 2021–2024 йилларда ҳамда 2025 йилнинг ўтган даврида содир этилган жиноятлар таҳлил қилинди. Ҳуқуқбузарлик сабаблари, уларнинг олдини олиш чоралари ҳамда профилактик ҳисобда турган шахслар билан ишлаш жараёнлари кўриб чиқилди.

Мониторинг натижаларига кўра, криминоген вазиятни яхшилаш, профилактик ишлар самарадорлигини ошириш ва маҳаллада жамоат хавфсизлигини таъминлаш бўйича ягона назорат тизимини шакллантиришга оид таклиф ва тавсиялар берилди.

Эслатиб ўтамиз, Академия ишчи гуруҳи Президентимизнинг 2025 йил 3 январдаги ПҚ–1–сонли «Республика маҳаллаларида хавфсиз муҳит яратиш ва ҳуқуқбузарликларни эрта олдини олиш тизими самарадорлигини янада ошириш чора-тадбирлари тўғрисида»ги ҳамда 2025 йил 18 августдаги ПҚ–253–сонли «Ўзбекистон Республикаси Президентининг айрим қарорларига маҳаллаларда жиноятчиликнинг барвақт олдини олиш тизими натижадорлигини янада оширишга қаратилган ўзгартириш ва қўшимчалар киритиш тўғрисида»ги қарорларида белгиланган вазифаларни амалга ошириш доирасида мунтазам равишда жойларда ўрганиш тадбирларини ўтказиб келмоқда.