Ҳудудларда криминоген вазиятни ўрганиш ишлари давом этмоқда

Академия ишчи гуруҳи томонидан ҳудудларга чиқиб, маҳаллаларда криминоген вазиятни ўрганиш бўйича комплекс чора-тадбирлар амалга оширилмоқда. Мазкур йўналишдаги навбатдаги тадбирлар Қашқадарё вилоятининг “Пиллакашлик”, “Жамбул”, “Пахтазор” ва “Олтиндала” маҳаллаларида ўтказилди.

Мутахассислар томонидан маҳаллалардаги криминоген вазиятга таъсир кўрсатувчи сабаб ва омиллар, жиноят содир этилишига замин яратаётган шарт-шароитлар ҳамда ижтимоий-маиший муаммолар комплекс тарзда таҳлил қилинди, олиб борилаётган профилактик ишлар самарадорлиги ўрганилди.

Натижада ҳар бир маҳалланинг ва аниқ туманнинг хусусиятларини ҳисобга олган ҳолда хавфсиз муҳитни яратиш ҳамда жиноятларнинг барвақт профилактикасини таъминлашга оид илмий асосланган таклиф ва тавсиялар ишлаб чиқилди.

Ушбу фаолият Ўзбекистон Республикаси Президентининг 2025 йил 3 январдаги “2025 йилда республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида”ги ПҚ–1-сон ҳамда 2025 йил 18 августдаги “Ўзбекистон Республикаси Президентининг айрим қарорларига маҳаллаларда жиноятчиликнинг барвақт олдини олиш тизими натижадорлигини янада оширишга қаратилган ўзгартириш ва қўшимчалар киритиш тўғрисида”ги ПҚ–253-сон қарорларини амалга ошириш доирасида олиб борилмоқда.