Академияда “Кибержиноятчиликка қарши курашишда инновацион усуллар ҳамда халқаро ҳамкорлик масалалари” ўқув курси якунланди

Ўзбекистон Республикаси Ҳуқуқни муҳофаза қилиш академиясининг Рақамли криминалистика илмий-тадқиқот институти томонидан прокуратура органларининг терговчилари, тергов устидан назоратни амалга оширувчи прокурорлар ҳамда прокурор-криминалистлар учун "Кибержиноятчиликка қарши курашишда инновацион усуллар ҳамда халқаро ҳамкорлик масалалари" мавзусида қисқа муддатли ўқув курси ташкил этилди.

Ўқув курс рақамли криминалистиканинг назарий асослари, рақамли далилларни олиш ва таҳлил қилишнинг замонавий усуллари, очиқ манбалар, ижтимоий тармоқлар ва Darknet билан ишлаш, шунингдек, крипто-активлар ҳамда халқаро ҳамкорликка оид долзарб масалаларни қамраб олди.

Машғулотлар иштирокчиларга рақамли криминалистика соҳасидаги замонавий усуллар ва воситалар билан ишлаш бўйича ўз билим ва кўникмаларини ошириш имконини берди. Интерфаол тарзда ўтган курс давомида тингловчилар ўзларини қизиқтирган барча саволларга мутахассислардан батафсил жавоб олдилар.

Ўқув курси якунида иштирокчиларга сертификатлар топширилди.

Мазкур курс кибержиноятчиликка қарши курашиш соҳасида кадрлар салоҳиятини юксалтиришга ва ҳуқуқни муҳофаза қилиш фаолиятига илғор амалиётларни жорий этишга хизмат қилади.