Коррупцияга қарши курашишда қонунчиликни такомиллаштириш масалалари муҳокама қилинди

Бош прокуратура Академиясининг навбатдаги «Law Talks» мунозара клуби доирасида давлат хизматчиларини мол-мулклари ва даромадларини декларация қилиш механизмининг коррупцияга қарши курашишдаги роли муҳокама қилинди.

Тадбирда Молия вазирлиги, Давлат солиқ қўмитаси, Бош прокуратура Академияси, ИИВ  Академияси, «Buyuk Kelajak» ХННТ экспертлари, шунингдек Ўзбекистондаги халқаро ва нодавлат хорижий ташкилот вакиллари иштирок этишди.

Шунингдек, «Buyuk Kelajak» ХННТнинг чет давлатларидаги (Гонконг, Буюк Британия, АҚШ, РФ ва б.) халқаро экспертлари ҳам видеоконференц алоқа воситалари ёрдамида клуб йиғилишида қатнашишди.

Мунозаралар чоғида БМТнинг коррупцияга қарши Конвенциясининг 8-моддасини амалга ошириш қоидалари, давлат хизматчиларини мол-мулклари ва даромадларини декларация қилиш механизмини киритиш имкониятлари муҳокама қилиниб, бу соҳада чет давлатларининг тажрибаси ўрганиб чиқилди.