Профессор-ўқитувчиларнинг педагогик маҳоратини ошириш бўйича навбатдаги маҳорат дарси

Ҳуқуқни муҳофаза қилиш академиясида профессор-ўқитувчиларнинг педагогик маҳоратини ошириш, таълим жараёнига инновацион технологиялар ва методикаларни жорий этиш мақсадида изчил ва тизимли ишлар олиб борилмоқда.

Мазкур фаолият доирасида 2025 йил 26 сентябрь куни Тошкент Давлат юридик университети доценти, филология фанлари номзоди Р.Ў.Қўчқоров иштирокида “Аудиторияни жалб қилишнинг муҳим шарти ва усуллари” мавзусида маҳорат дарси ташкил этилди.

Маҳорат дарсида нотиқлик санъати, нотиқлар учун муҳим эслатмалар, нутқнинг аҳамияти ва унинг аудиторияга таъсири, омма олдидаги нутқнинг таъсирини пасайтирадиган омиллар, маъруза машғулотларида аудиторияни жалб қилиш ва фаоллаштириш усуллари ҳақида батафсил фикр юритилди.

Тадбирда нутқнинг таъсир кучига оид видеоролик намойиш қилиниб, иштирокчиларга мавзуга оид саволлар берилди ва атрофлича муҳокама қилинди.

Маҳорат дарси сўнгида мавзу юзасидан иштирокчиларни қизиқтирган саволларга батафсил жавоб берилди.