Маҳаллаларда криминоген вазиятни илмий ёндашувлар асосида ўрганиш бўйича тизимли ишлар

Академия ишчи гуруҳи томонидан жорий йилнинг сентябрь ойида Сурхондарё вилояти “қизил” тоифага киритилган
23 та маҳалласида криминоген вазият илмий ёндашувлар асосида ўрганилди.

Маҳаллалардаги криминоген вазиятга таъсир кўрсатувчи сабаб ва омиллар, жиноятни содир этишга замин яратаётган шарт-шароитлар ҳамда ижтимоий-маиший муаммолар, олиб борилаётган профилактик ишлар таҳлил қилинди.

Ўрганиш якунлари бўйича ҳар бир маҳалланинг аниқ хусусиятларини инобатга олган ҳолда, ҳудудларда жиноятчиликнинг олдини олиш ва унга қарши курашиш самарасини оширишга қаратилган илмий асосланган таклиф ва тавсиялар ишлаб чиқилди.

Мазкур таклиф ва тавсиялар умумлаштирилиб, криминоген вазиятни яхшилашга қаратилган келгусидаги йўл хариталарига киритиш учун масъулларга тақдим этилди.

Академия ишчи гуруҳи томонидан Ўзбекистон Республикаси Президентининг 2025 йил 3 январдаги “2025 йилда республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида”ги ПҚ–1 сон ҳамда 2025 йил 18 августдаги “Ўзбекистон Республикаси Президентининг айрим қарорларига маҳаллаларда жиноятчиликнинг барвақт олдини олиш тизими натижадорлигини янада оширишга қаратилган ўзгартириш ва қўшимчалар киритиш тўғрисида”ги ПҚ–253-сон қарорлари ижросини таъминлаш мақсадида республикамиз ҳудудларига криминоген вазиятни ўрганиш бўйича комлекс-чора тадбирлар тизимли давом этмоқда.