Тошкент шаҳри маҳаллаларда криминоген вазиятни илмий ёндашувлар асосида ўрганиш ишлари олиб борилди

Ҳуқуқни муҳофаза қилиш академияси ишчи гуруҳи томонидан Тошкент шаҳрининг “Баратхўжа”, “Мингўрик”, “Фаровон”, “Биродарлик”, “Тонг Юлдузи” (Миробод тумани), “Бойқўрғон”, “Истиқлол”, “Чўлпон”, “Яшнобод” (Яшнобод тумани) ва “Бектемир”, “Нурафшон” (Бектемир тумани) маҳаллаларида ҳуқуқбузарлик ва жиноятларни ўз вақтида аниқлаш ҳамда уларнинг олдини олиш масалалари илмий ёндашувлар асосида ўрганилди.

Мутахассислар маҳаллалардаги криминоген вазиятга таъсир кўрсатувчи сабаб ва омиллар, жиноятни содир этишга замин яратаётган шарт-шароитлар ҳамда ижтимоий-маиший муаммолар, олиб борилаётган профилактик ишлар ҳолатини ўрганиб, таҳлил қилишди.

Ўрганиш якунлари бўйича ҳар бир маҳалланинг аниқ хусусиятларини инобатга олган ҳолда, жиноятларни барвақт профилактикасини таъминлашга оид илмий асосланган таклиф ва тавсиялар ишлаб чиқилди.

Мазкур таклиф ва тавсиялар умумлаштирилиб, криминоген вазиятни яхшилашга қаратилган келгусидаги йўл хариталарига киритиш учун масъулларга тақдим этилди.