Жиноят қонунчилигини такомиллаштириш бўйича ишлар давом этмоқда

Бош прокуратура Академиясида жиноят ва жиноят процессуал қонунчилигини такомиллаштириш Концепциясини амалиётга тадбиқ қилиш бўйича иш олиб борилмоқда.

Ташкил этилган ишчи гуруҳининг навбатдаги йиғилиши Концепциянинг олдига қўйилган мақсадларига эришиш доирасида Бирлашган Миллатлар Ташкилотининг Коррупцияга қарши Конвенциясининг 18 (алоқалардан ғаразли мақсадларда фойдаланиш) ва 20 (ноқонуний бойиш) моддаларида кўзда тутилган кўрсатмаларни қўллаш масалаларини кўриб чиқишга бағишланди.

Учрашувда Ўзбекистон Республикаси Жиноят Кодексини такомиллаштириш бўйича тузилган ишчи гуруҳи аъзолари, миллий ва хорижий мутахассислар қатнашишди.

Тадбир давомида томонлар Конвенция нормаларини жорий этиш масалаларини муҳокама қилишди ва халқаро стандартларни ҳамда миллий қонунчиликнинг хусусиятларини ҳисобга олган ҳолда тавсиялар ишлаб чиқишди.