Россия Федерацияси Прокуратура университети илмий семинарида иштирок этилди

Ўзбекистон Республикаси Ҳуқуқни муҳофаза қилиш академияси ходимлари Россия Федерацияси Прокуратура университетида ташкил этилган И.И.Карпец номидаги "Криминология" илмий бирлашмаси йиғилишида онлайн форматда иштирок этдилар. Семинар мавзуси хорижий фуқаролар ва фуқаролиги бўлмаган шахсларнинг жиноятчилигига қарши курашишнинг долзарб масалалари ҳамда ноқонуний миграция муаммоларига бағишланди.

Семинарда Академия катта ўқитувчиси, А.И.Есемуратов "Замонавий босқичда Ўзбекистон Республикасида миграция масалалари" мавзусида маъруза қилди.

Тадбир иштирокчилари хорижий фуқаролар ўртасидаги жиноятчиликнинг замонавий тенденциялари ва динамикаси, ушбу ҳодисанинг минтақавий хусусиятлари ҳамда мигрантларнинг криминаллашувига таъсир этувчи омилларни муҳокама қилдилар.

Шунингдек, хорижликларнинг жиноятчилиги билан ноқонуний миграциянинг ўзаро боғлиқлиги ва ушбу соҳада ҳуқуқни муҳофаза қилувчи органларнинг ўзаро ҳамкорлигини мустаҳкамлаш масалаларига алоҳида эътибор қаратилди.