“Жаҳолатга қарши маърифат билан кураш” мавзусида давра суҳбати бўлиб ўтди

Ўзбекистон Республикаси Ҳуқуқни муҳофаза қилиш академиясида Ўзбекистон Республикаси Дин ишлари бўйича қўмитаси билан ҳамкорликда “Жаҳолатга қарши маърифат билан кураш” мавзусида давра суҳбати ташкил этилди.

Тадбирда эксперт сифатида Дин ишлари бўйича қўмита раисининг Ахборот сиёсати масалалари бўйича маслаҳатчиси И.И.Марупов, шунингдек Академия раҳбарияти, ходимлари ҳамда талабалари иштирок этдилар.

Давра суҳбатида жаҳолат ва диний экстремизмнинг салбий оқибатлари, ёшлар онгида мафкуравий иммунитетни мустаҳкамлаш, соғлом дунёқараш ва маънавий баркамол шахсни тарбиялаш масалалари муҳокама қилинди.

Эксперт ўз маърузасида маърифатнинг жамият ривожидаги ўрни, ёшларни ёт ғоялардан ҳимоя қилишнинг замонавий усуллари ҳамда ахборот майдонида диний соҳага оид тўғри ва ишончли маълумот тарқатишнинг аҳамияти ҳақида сўз юритди.

Тадбир сўнггида иштирокчилар ўзаро фикр ва тажриба алмашдилар, шунингдек, жамиятда маърифий ғояларни кенг тарғиб қилиш борасида амалий таклифлар илгари сурилди.