Ҳуқуқни муҳофаза қилиш академиясида Япония маданияти куни ўтказилди

Ўзбекистон Республикаси Ҳуқуқни муҳофаза қилиш академиясида талабаларнинг дунёқарашини кенгайтириш, турли халқлар маданиятига ҳурмат туйғусини ошириш ҳамда Япониянинг Халқаро ҳамкорлик агентлиги (JICA) билан ҳамкорликни мустаҳкамлаш мақсадида Япония маданияти куни ташкил этилди.

Тадбирда JICAнинг Япониядан келган эксперти, ALMEC компаниясининг тадқиқот гуруҳи раҳбари жаноб Манабу Оно, ёшлар масалалари бўйича JICA эксперти хоним Нагиса Охата, шунингдек Академия раҳбарияти ва талабалар иштирок этдилар.

Жаноб Манабу Оно иштирокчиларга Япония маданияти ва анъаналари ҳақида қизиқарли маълумотлар берди, миллий байрамлар, одоб-ахлоқ қоидалари ва таълим тизими хусусиятлари ҳақида сўзлаб берди. Талабалар Япония ҳақидаги маълумотларга катта қизиқиш билан қўшилиб, ўзларини қизиқтирган саволларга жавоб олдилар.

Тадбир якунида Япония маданиятига оид викторина ўтказилиб, саволларга тўғри жавоб берган талабалар япон экспертлари томонидан эсдалик совғалар билан тақдирландилар.

Бундай тадбирлар Ўзбекистон ва Япония халқлари ўртасидаги дўстлик ришталарини мустаҳкамлашга, маданий алоқаларни ривожлантириш ҳамда Академиянинг халқаро ҳамкорлик доирасини янада кенгайтиришга хизмат қилади.